கொழும்பில் மூவின மக்களை ஒருங்கிணைத்து களமிறங்குவது ஈ.பி.டி.பியின் அரசியல் அணுகுமுறைக்கு அங்கீகாரம் - டக்ளஸ் தேவானந்தா
ஏ. எஸ். எம். இர்ஷாத் /முகம்மத் நசார்
UPDATED: Oct 25, 2024, 6:53:30 PM
கொழும்பில் மூவின மக்களை ஒருங்கிணைத்து களமிறங்குவது ஈ.பி.டி.பியின் அரசியல் அணுகுமுறைக்கு அங்கீகாரம் - டக்ளஸ் தேவானந்தா
கொழும்பு மாவட்டத்தில் மூவின மக்களை ஒருங்கிணைத்து வேட்பாளர்களை களமிறக்குவதாக உள்ள செயல்பாடு, ஈ.பி.டி.பியின் அரசியல் நடைமுறைக்கு அங்கீகாரம் பெற்றுள்ளது என செயலாளர் நாயகம் டக்ளஸ் தேவானந்தா தெரிவித்தார்.
இன்று பம்பலப்பிட்டியில் அமைந்துள்ள கட்சியின் ஊடக மையத்தில் இடம்பெற்ற செய்தியாளர் சந்திப்பில் அவர் கூறுகையில்,
கடந்த 30 ஆண்டுகளாக தமிழ் மக்களுக்கு சரியான வழிகாட்டியாக இருக்கிறேன். எனது அனுபவம் மற்றும் தூர்நோக்குத்தன்மை அனைவராலும் ஏற்றுக்கொள்ளப்பட்டுள்ளது. மக்கள் என்னை தொடர்ந்து நாடாளுமன்றத்திற்குத் தேர்ந்தெடுக்கின்றனர்.
மேலும், ஈ.பி.டி.பியின் தேசிய நல்லிணக்கத்தை வலுப்படுத்துவதற்காகவும், மத்திய அரசின் கூட்டாட்சி நிலைமையில் சுயாட்சி கொள்கையை முன்னேற்றுவதற்காகவும் இந்த நடவடிக்கை மேற்கொள்ளப்படுகிறது.
நாடாளுமன்ற தேர்தலுக்கு வரும் போது, மக்கள் யதார்த்த அரசியலையும், ஈ.பி.டி.பியின் நியாயமான நடவடிக்கைகளையும் புரிந்துகொள்கின்றனர். கொழும்பு உள்ளிட்ட பகுதிகளில் மக்கள் எம்மை போட்டியிடக் கோரியுள்ளனர், இது நாட்டின் நிலைமைக்கும் உறுதியாக உள்ளது.
தேசிய மக்கள் சக்தி மற்றும் ஈழ மக்கள் ஜனநாயகக் கட்சியின் அரசியல் கொள்கைகளில் ஒற்றுமை காணப்படுகிறது. இருவரும் இடதுசாரிக் கொள்கையை கொண்டவர்கள். கடந்த நாடாளுமன்றத்தில், அவர்களுக்கு மூன்று ஆசனங்கள் இருந்தன, ஆனால் ஈ.பி.டி.பிக்கு இரண்டு மட்டுமே கிடைத்தன.
இந்த தேர்தலில் மத்திய அரசின் மூலம் மக்கள் அரசியல் மாற்றத்தை ஏற்படுத்தியுள்ளனர். தமிழ் மக்கள் ஈ.பி.டி.பியால் மாற்றத்தை கொண்டுவருவார்கள் என நம்புகிறேன்.
நாடாளுமன்றத் தேர்தலுக்குப் பிறகு, மத்தியுடன் இணைந்து ஆட்சியில் பங்குபற்றுவதைப் பற்றி எங்களால் தீர்மானிக்கப்படும். அதற்கான திட்டங்களை ஏற்கனவே முன்னெடுத்துள்ளோம்.
கடந்த காலங்களில், ஈ.பி.டி.பிக்கு போதிய இடங்களும் மக்களின் ஆதரவுமில்லை. தேவையான ஆசனங்கள் கிடைத்தால், மக்கள் அபிவிருத்தி, அரசியல் உரிமைகள் மற்றும் தினசரி பிரச்சினைகளை தீர்க்க முடியுமென்று நம்புகிறேன். இம்முறை, மக்கள் மத்தியில் ஏற்பட்ட அரசியல் மாற்றம், ஈ.பி.டி.பியின் அதிகாரத்தை வலுப்படுத்தும் எனத் தெரிவித்தார்.
இந்த செய்தியாளர் சந்திப்பின் போது ஈழ மக்கள் ஜனநாயக கட்சியின் தேசியப் பட்டியல் பாராளுமன்ற உறுப்பினராக பெயர் குறிப்பிடப்பட்டுள்ள பாபு சர்மா அவர்களும் கலந்து கொண்டமை குறிப்பிடத்தக்கது.
VIDEOS
.jpg)
.jpg)
திருவாரூர் அருகே பழமையான பாவா செய்யது சாதாத் அகமது மவுலானா வலியுல்லாஹ் தர்காவில் 83வது கந்தூரி விழா.
.jpg)
.jpg)
.jpg)
.jpg)
திருச்சி அருகே ஆயிரம் ரூபாய் பணம் கொடுத்தால் தான் இறப்பு சான்றிதழ் - அரசு மருத்துவரின் அடாவடி பேச்சு
.gif)
