*ஹரிஹரன் இயக்கத்தில் எபிக் தியேட்டர்ஸ் தயாரிப்பில் உருவாகியுள்ள நகைச்சுவை ததும்பும் காதல் திரைப்படமான ‘இனி ஒரு காதல் செய்வோம்’ ஜீன் 7 வெளியாகிறது*
Ahamed asjad
UPDATED: Jun 5, 2024, 2:04:50 PM
ஹரிஹரன் இயக்கத்தில் எபிக் தியேட்டர்ஸ் தயாரிப்பில் உருவாகியுள்ள நகைச்சுவை ததும்பும் காதல் திரைப்படமான ‘இனி ஒரு காதல் செய்வோம்’ ஜீன் 7 வெளியாகிறது
வன்முறையை கொண்டாடாமல், அன்பு மற்றும் காதலை நகைச்சுவை உணர்வோடு உயர்த்திப் பிடிக்கும் திரைப்படமான ‘இனி ஒரு காதல் செய்வோம்’ ஜீன் 7 அன்று வெளியாக உள்ளது. எபிக் தியேட்டர்ஸ் தயாரித்துள்ள இப்படத்தை ஹரிஹரன் இயக்கியுள்ளார். அஜய் பால கிருஷ்ணா மற்றும் ஸ்வேதா ஷ்ரிம்ப்டன் முதன்மை வேடங்களில் நடித்துள்ள இப்படத்தின் அனைத்து வேலைகளும் வெற்றிகரமாக நிறைவடைந்துள்ளன.
பல்வேறு ஆங்கிலம் மற்றும் தமிழ் நாடகங்கள் மூலம் மேடை நாடக உலகில் பிரபலமாக விளங்கும் இயக்குநர் ஹரிஹரன் படத்தை பற்றி கூறும் போது, “இனி ஒரு காதல் செய்வோம் திரைப்படத்தில் சண்டைக் காட்சிகளே இல்லை. மேலும் வில்லன் கதாபாத்திரமும் இல்லை. சூழ்நிலைகள் எவ்வாறு மக்களை நல்லவர்களாகவும் கெட்டவர்களாகவும் சித்தரிக்கின்றன, மேலும் சூழ்நிலைகளின் அடிப்படையில் ஒருவரை பற்றிய மற்றொருவரின் கருத்து எவ்வாறு மாறுகிறது என்பதை சுவாரசியமான முறையில் இப்படம் எடுத்துரைக்கிறது," என்றார்.
நகைச்சுவை ததும்பும் காதல் திரைப்படமான 'இனி ஒரு காதல் செய்வோம்', 90ஸ் கிட்ஸ் எனப்படும் 1990களில் பிறந்தவர்களின் நட்பு, காதல் மற்றும் பிரிவு ஆகியவற்றை திரையில் காட்டுகிறது. அஜய் பால கிருஷ்ணா கதாநாயகனாக அறிமுகமாகும் நிலையில், ஜீ தமிழ் மற்றும் ஸ்டார் விஜய் தொலைக்காட்சி தொடர்களில் நடித்த ஸ்வேதா ஷ்ரிம்ப்டன் கதாநாயகியாக நடிக்கிறார். தம்பி ராமையா மற்றும் சமுத்திரக்கனியின் அடுத்த படத்திலும் அவர் நடிப்பது குறிப்பிடத்தக்கது.
ALSO READ | மாநிலங்களின் தற்போதைய வாக்கு எண்ணிக்கை நிலவரம்
நடிகர்கள் வர்கீஸ் மேத்யூ, மனு பார்த்திபன், கிஷோர் ராஜ்குமார், விக்னேஷ் சண்முகம், திடியன்thyu ஆகியோர் முக்கிய வேடங்களில் நடிக்கின்றனர். பின்னணி இசையை கெவின் டி கோஸ்டா அமைத்துள்ளார்.
பல தமிழ் மற்றும் கன்னட படங்களில் ஒளிப்பதிவாளராக பணியாற்றியுள்ள கோபிநாத் சுகுமார் ஒளிப்பதிவு செய்துள்ளார். கலை இயக்கத்தை ஜெய் ஜே திலீப் கையாள, ‘96’ புகழ் பாடலாசிரியர் கார்த்திக் நேதா இந்தப் படத்திற்கான பாடல் வரிகளை எழுதியுள்ளார்.
சென்னை, கிழக்கு கடற்கரை சாலை, புதுச்சேரி, பெங்களூரு, கொடைக்கானல் மற்றும் பல இடங்களில் இப்படம் படமாக்கப்பட்டுள்ளது. ஹரிஹரன் இயக்கத்தில், எபிக் தியேட்டர்ஸ் தயாரித்துள்ள ‘இனி ஒரு காதல் செய்வோம்’ ஜீன் 7 அன்று திரைக்கு வந்து அனைத்து தரப்பு ரசிகர்களையும் கவரும் என்று படக்குழுவினர் தெரிவிக்கின்றனர்.
VIDEOS
.jpg)
.jpg)
திருவாரூர் அருகே பழமையான பாவா செய்யது சாதாத் அகமது மவுலானா வலியுல்லாஹ் தர்காவில் 83வது கந்தூரி விழா.
.jpg)
.jpg)
.jpg)
.jpg)
திருச்சி அருகே ஆயிரம் ரூபாய் பணம் கொடுத்தால் தான் இறப்பு சான்றிதழ் - அரசு மருத்துவரின் அடாவடி பேச்சு
